3 ນາງເອກຊີ້ຣີ້”ຮັກນີ້ສີບົວ” ມາສ່ອງຄວາມໜ້າຮັກສົດໃສຂອງແຕ່ລະຄົນກັນໜ້າຮັກຊໍ່າໃດ

3 ນາງເອກຊີ້ຣີ້”ຮັກນີ້ສີບົວ” ມາສ່ອງຄວາມໜ້າຮັກສົດໃສຂອງແຕ່ລະຄົນກັນໜ້າຮັກຊໍ່າໃດ

ມາສ່ອງຄວາມໜ້າຮັກສົດໃສຂອງ 3 ນາງເອກຊີ້ຣີ້”ຮັກນີ້ສີບົວ”ແຕ່ລະຄົນຈະໜ້າຮັກຊໍ່າໃດມາເບີ່ງກັນ

1 ກຸນລະນັດ ຟອງສະຫວັນ

ກຸນລະນັດ ຟອງສະຫວັນ (ນັດ)  ອາຊີບ ນັກສຶກສາ ປະຈຸບັດສຶກສາທີ່ປະເທດໄທ ເຊີ່ງການສະແດງ ທີ່ຖືກຍົກໃຫ້ເປັນ ນາງເອກສາວຂວັນໃຈໄວລຸ້ນ ທີ່ຫຼາຍຄົນຮູ້ຈັກກັນດີໃນຊື່ຂອງ “ບົວສີ” ນາງເອກສາວນ້ອຍຈາກຮູບເງົາເລື່ອງ “ຮັກນີ້ສີບົວ 1” ນັ້ນເອງ

ນ້ອງນັດກໍໄດ້ມາເປີດໃຈເຖິງເລື່ອງລາວຊີວິດທີ່ແສນເສົ້າ ເພາະພໍ່ແມ່ແຍກທາງກັນຕັ້ງແຕ່ນັດຍັງນ້ອຍ ເຮັດໃຫ້ນັດຕ້ອງສູ້ຊີວິດຫາເງິນສົ່ງຕົວເອງມາແຕ່ຈື່ຄວາມໄດ້ ຈົນປັດຈຸບັນກໍໃກ້ຈະຈົບຊັ້ນມັດທະຍົມແລ້ວ

ໃນເລື່ອງຂອງການສະແດງນ້ອງນັດກໍໄດ້ມີຂໍ້ຄິດດີໆມາຕ້ອນສໍາລັບຄົນທີ່ຢາກຈະເປັນນັກສະແດງເກັ່ງໆແບບນ້ອງເພາະດ້ວຍຄວາມສາມາດທີ່ຕີບົດ “ບົວສີ” ໃນຮູບເງົາ “ຮັກນີ້ສີບົວ 1” ແບບແຕກກະຈຸຍກໍຍ້ອນວ່ານ້ອງນັດຄິດສະເໝີວ່າ “ການສະແດງຄືການຮຽນແບບທໍາມະຊາດ ເມື່ອເຮົາເອົາມາທຽບກັບຊີວິດຈິງ ເຮົາຈະສະແດງອອກມາໄດ້ເປັນທໍາມະຊາດທີ່ສຸດ” ວ້າວໆໆໆ ໜ້າສົນໃຈຫຼາຍສໍາລັບສາວນ້ອຍຄົນນີ້

2 ຕາແພງ ໄຊເສດຖາ

“ຮັກນີ້ສີບົວ 2” ຖືໄດ້ວ່າເປັນຊີຣີໜຶ່ງທີ່ປະສົບຄວາມສຳເລັດຫຼາຍໃນຕອນນັ້ນ ບໍ່ວ່າຈະເປັນໜຸ່ມນ້ອຍ ສາວໃຫຍ່ ກໍ່ພາກັນຕິດຊີຣີນີ້ທົ່ວບ້ານທົ່ວເມືອງ ເອີ້ນໄດ້ວ່າແຕ່ລະອາທິດຕ້ອງໄດ້ຖ້າຄອງຄອຍໃຫ້ຮອດມື້ວັນອັງຄານ

ຄົນນີ້ຂໍແນະນໍາເລີຍນ້ອງຕາແພງນາງເອກຊີຣີ້ “ຮັກນີ້ສີບົວ 2” ເລື່ອງນີ້ໃຜຢາກຕິດຕາມຄວາມໜ້າຮັກສາມາດຕິດຕາມໄດ້ທີ່ FB: ta’phaeng saysetha

3 ອານິຕ້າ ວິພາ

ນ້ອງ ອານິຕ້າ ວິພາ ຢາການາກິ ສາວ​ງາມ​ທີ່​ຫຼາກ​ຫຼາຍ​ຄວາມ​ສາມາດ ທີ່​ມີ​ຜົນ​ງານ​ທາງ​ດ້ານ​ວົງ​ການ​ມາ​ແລ້ວ​ບໍ່​ວ່າ​ຈະ​ເປັນ​ການຖ່າຍ​ແບບ, ຖ່າຍ​ໂຄສະນາ​ກັບ​ຜະລິດ​ຕະພັນ​​ຍີຫໍ້​ດັງ ​ແລະ ຍັງເປັນຜູ້ຊະນະ​ໂຄງການປະກວດສາວຊັນຊິວ 2019

ອານິຕ້າ ​ນັກສະ​ແດງ​ນໍ​າ ຂ​ອງ ຊີ​ລີ້ ​ເລື່ອງ ຮັກ​ນີ້ສີ​ບົວ 3  ສາວຄົນນີ້ກໍຢູ່ໃນວົງການມາແຕ່ຍັງນ້ອຍ ແລະ ມີຜົນງານຫຼາຍຢ່າງທັງການເດີນແບບ, ຖ່າຍແບບ ແລະ ສະແດງເອັມວີເພງ ດອກໄມ້ວາເນທາຍຂອງວົງ Metallic.

ຂ່າວບັນເທີງ