ໜີບໍ່ລອດ ນັກໂທດແຫກຄຸກລີ້ຢູ່ໃນຖ້ຳດົນ 17 ປີສຸດທ້າຍຖືກກັກຕົວໄດ້

ໜີບໍ່ລອດ ນັກໂທດແຫກຄຸກລີ້ຢູ່ໃນຖ້ຳດົນ 17 ປີສຸດທ້າຍຖືກກັກຕົວໄດ້

ເຈົ້າຫນ້າທີ່ສະຖານີຕຳຫຼວດ Yongshan ໄດ້ເບາະແສເຖິງສະຖານທີ່ທີ່ທ້າວຊົ່ງ ຈຽງ ຫລົບລີ້ໂຕຢູ່ ເມື່ອຕົ້ນເດືອນກັນຍາທີ່ຜ່ານມາ ຫລັງຈາກໄດ້ແຫກຄຸກຫນີອອກມາຕັ້ງແຕ່ປີ 2002 ຈາກຄວາມຜິດໃນຄະດີຄ້າຜູ້ຍິງ ແລະເດັກ ຈາກການພະຍາຍາມອອກຕິດຕາມຄົ້ນຫາຂອງເຈົ້າຫນ້າທີ່ຕຳຫຼວດ ກັບລົ້ມເຫລວຈື່ງໄດ້ສົ່ງໂດຣນບິນຂື້ນສຳຫຼວດ

ເຈົ້າຫນ້າທີ່ຕຳຫຼວດຈື່ງຍ່າງຂື້ນໄປຍັງບໍລິເວນທີ່ຕ້ອງສົງໄສ ເທີງພູແລະພົບທ້າວຊົ່ງ ຈຽງຫລົບລີ້ດ້ວຍການອາໄສຢູ່ໃນຖ້ຳນ້ອຍໆຂະຫນາດປະມານ 2 ຕາແມັດ ແຄມຫນ້າຜາ ໂດຍເຂົາໄດ້ໃຊ້ຕຸກພລາສຕິກຕັກນ້ຳຈາກແມ່ນ້ຳມາສຳລັບດື່ມກິນ

ແລະໃຊ້ກິ່ງໄມ້ມາຖູກັນເພື່ອໃຫ້ເກີດປະກາຍໄຟສຳລັບເຮັດອາຫານ ຢ່າງໃດກໍ່ຕາມ ຈາກການທີ່ທ້າວຊົ່ງຢູ່ຄົນດຽວມາດົນຫລາຍປີ ບໍ່ໄດ້ເວົ້າກັບໃຜ ຈື່ງເຮັດໃຫ້ເຂົາມີບັນຫາໃນການເວົ້າສື່ສານກັບເຈົ້າຫນ້າທີ່ເຊື່ງໄດ້ຈັບກຸມ ແລະສົ່ງໂຕທ້າວຊົ່ງ ຈຽງ ກັບໄປຢູ່ໃນຄຸກຕາມເດີມ

ໃນທີ່ສຸດເຈົ້າຫນ້າທີ່ໄດ້ພົບບໍລິເວນທີ່ຕ້ອງສົງໄສອາດເປັນທີ່ຫລົບລີ້ຂອງທ້າວຊົ່ງ ຈຽງເພາະພົບວ່າມີຫລັງຄາໂລຫະສີຟ້າຢູ່ເທີງຫນ້າຜາເທີງພູເຂົາ ໃກ້ບ້ານເກີດຂອງທ້າວຊົ່ງ ຈຽງທີ່ມົນທົນຢູນນານທາງພາກຕາເວັນຕົກສຽງໃຕ້ຂອງຈີນ ຂະນະດຽວກັນ ກໍ່ມີການຕິດຕາມຈາກບໍລິເວນໃກ້ຄຽງ

ເມື່ອວັນທີ່ 30 ກັນຍາ 2019 ວ່າ ຕຳຫຼວດຈີນສາມາດຕິດຕາມຈັບກຸມທ້າວຊົ່ງ ຈຽງ ນັກໂທດຊາຍອາຍຸ 63 ປີ ຫຼົບຫນີອອກຈາກຄຸກມານານເຖິງ 17 ປີໄດ້ສຳເລັດດ້ວຍການໃຊ້ໂດຣນ ບິນຕິດຕາມຄົ້ນຫາຈົນພົບ ຂະນະທ້າວຊົ່ງ ລີ້ເຈົ້າຫນ້າທີ່ດ້ວຍການອາໄສຢູ່ໃນຖ້ຳນ້ອຍໆເທີງພູແຫ່ງຫນື່ງໃນມົນທົນຢູນນານ

ຂ່າວທົ່ວໄປ