ເຈ້ນາງ ໝັ້ນໃຈໃນຕົວຂອງສາມີ ບໍ່ມີສ່ວນກ່ຽວຂ້ອງ ຫຼັງສາມີຊາວໄທຖືກຈັບຂໍ້ຫາຟອກເງິນ
ຂ່າວທົ່ວໄປ

ເຈ້ນາງ ໝັ້ນໃຈໃນຕົວຂອງສາມີ ບໍ່ມີສ່ວນກ່ຽວຂ້ອງ ຫຼັງສາມີຊາວໄທຖືກຈັບຂໍ້ຫາຟອກເງິນ

(19 ກັນຍາ 2019) ສື່ໄທລາຍງານວ່າ ຕຳຫຼວດແຂວງນະຄອນລາດຊະສີມາ ຂອງໄທ ໄດ້ຖະແຫຼງຜົນການຈັບກຸມຄະດີຟອກເງິນເຄືອຂ່າຍຄ້າຢາເສບຕິດລາຍໃຫຍ່ຂອງພາກອີສານ ໂດຍໄດ້ຜູ້ຖືກຫາ 1 ຄົນຄື ຣັດຊະພູມ ສຸດຫຼ້າ ອາຍຸ 41 ປີ ຊາວໄທ ຜູ້ເປັນສາມີຂອງ ເຈ້ນາງ, ພ້ອມຂອງກາງເປັນເງິນສົດສະກຸນໄທ 1.5 ລ້ານບາດ, ເງິນສົດສະກຸນເງິນລາວ 5 ລ້ານກີບ, ບັນຊີທະນາຄານ 4 ເຫຼັ້ມ, ລົດກະບະ 4 ປະຕູ, ສາຍຄໍຄຳໜັກ 5 ບາດ, ແຫວນເພັດ 1.8…

ຍັງພົບຄວາມຫຍຸ້ງຍາກຫລາຍ ການແກ້ໄຂບັນຫາຄູອາສາສະໝັກຢູ່ນະຄອນຫລວງວຽງຈັນ
ຂ່າວທົ່ວໄປ

ຍັງພົບຄວາມຫຍຸ້ງຍາກຫລາຍ ການແກ້ໄຂບັນຫາຄູອາສາສະໝັກຢູ່ນະຄອນຫລວງວຽງຈັນ

ມາຮອດປັດຈຸບັນ, ນະຄອນຫລວງວຽງຈັນ ຍັງເຫລືອຄູອາສາສະໝັກທັງໝົດຢູ່ 1.100 ກ່ວາຄົນ, ໃນຂະນະທີ່ພະແນກສຶກສາທິການ ແລະ ກິລານະຄອນຫລວງວຽງຈັນ ພົບຄວາມຫຍຸ້ງຍາກຫລາຍໃນການແກ້ໄຂບັນຫານີ້ ແລະ ຄາດວ່າຕ້ອງໃຊ້ເວລາອີກດົນສົມຄວນຈຶ່ງຈະແກ້ໄຂໄດ້ ທ່ານ ຊົມພູ ແກ້ວປັນຍາ, ຫົວໜ້າພະແນກສຶກສາທິການ ແລະ ກິລານະຄອນຫລວງວຽງຈັນ ໃຫ້ສໍາພາດວ່າ: ເພື່ອແກ້ໄຂບັນຫາຄູອາສາສະໝັກຢູ່ນະຄອນຫລວງວຽງຈັນ, ພວກເຮົາໄດ້ປະຕິບັດຕາມ 3 ມາດຕະການສໍາຄັນ ຄື: 1). ສັບຊ້ອນຄູອາສາສະໝັກທີ່ຢູ່ມາດົນແລ້ວໃຫ້ເຂົ້າເປັນລັດຖະກອນຄູໃຫ້ຖືກຕ້ອງຕາມວິຊາທີ່ຮຽນມາ ແລະ ຖືກຕ້ອງຕາມລະບຽບການທຸກຢ່າງຕາມໂຄຕາທີ່ໄດ້ຮັບການແບ່ງປັນຈາກກະຊວງສຶກສາທິການ ແລະ ກິລາ. 2). ສໍາລັບຄູອາສາສະໝັກທີ່ຢູ່ມາດົນແຕ່ບໍ່ໄດ້ຮັບການບັນຈຸເຂົ້າເປັນລັດຖະກອນຄູ ແລະ ບໍ່ມີທາງເລືອກແລ້ວຈະໄດ້ລະດົມໃຫ້ບໍາລຸງວິຊາຊີບໃດໜຶ່ງຕາມທີ່ກະຊວງສຶກສາທິການ ແລະ ກິລາຈັດຂຶ້ນ;…

ຊາຍກໍ່ເຫດກະທຳຊຳເລົາ ແລ້ວຄາດຕະກຳ 2 ສາວນັກຮຽນ ຖືກຕັດສິນປະຫານຊີວິດ
ຂ່າວທົ່ວໄປ

ຊາຍກໍ່ເຫດກະທຳຊຳເລົາ ແລ້ວຄາດຕະກຳ 2 ສາວນັກຮຽນ ຖືກຕັດສິນປະຫານຊີວິດ

ສານຂັ້ນຕົ້ນແຂວງອຸດົມໄຊ ຕັດສິນປະຫານຊີວິດ ຈໍາເລີຍ ອາຍຸ 19 ປີ ທີ່ກໍ່ເຫດຄາດຕະກໍາ ແລະ ຂົ່ມຂືນທໍາສໍາເລົາ 2 ສາວນັກຮຽນອາຍຸ 19 ປີ ໄປເກັບຜັກຢູ່ປ່າເຂດບ້ານພູສອນ ເມືອງຮຸນ ແຂວງອຸດົມໄຊ ພ້ອມໃຊ້ແທນຄ່າປົວແປງຈິດໃຈ, ຄ່າສົ່ງສະການ ແລະ ຄ່າສິ້ນເປືອງຕ່າງໆໃຫ້ແກ່ໂຈດທາງແພ່ງທັງ 2 ຄົນ ລວມເປັນເງິນ 130.000.000 ກີບ. ຄະດີດັ່ງກ່າວ,ຄະນະສານອາຍາສານປະຊາຊົນຂັ້ນຕົ້ນແຂວງອຸດົມໄຊ ນໍາຂຶ້ນມາຕັດສິນ ໃນວັນທີ 6 ກັນຍາ 2019 ໂດຍຕັດສິນປະຫານຊີວິດຈໍາ ເລີຍ 1 ຊື່…

ກຽມຮັບມື ລົມມໍລະສຸມ 20-25/09/2019 ຈະມີຝົນຕົກໜັກ
ຂ່າວທົ່ວໄປ

ກຽມຮັບມື ລົມມໍລະສຸມ 20-25/09/2019 ຈະມີຝົນຕົກໜັກ

ກົມອຸຕຸນິຍົມ ແລະ ອຸທົກກະສາດ ເຕືອນເຝົ້າລະວັງ ລະຫວ່າງລະວັງວັນທີ 20 ຫາ 25 ກັນຍາ 2019 ນີ້ ເນື່ອງຈາກສະພາບລົມມໍລະສຸ່ມຕາເວັນຕົກສ່ຽງໃຕ້ຈະມີກຳລັງແຮງພັດປົມຄຸມ ສົມທົບກັບພາຍຸໜູນເຂດຮ້ອນ ຈະພັດຜ່ານເຂດພາກກາງ ແລະ ພາກໃຕ້ ເຊິ່ງຈະເຮັດໃຫ້ມີຝົນຕົກໜັກຕິດຕໍ່ກັນຫຼາຍວັນ ແລະ ມີລົມພັດແຮງ ພ້ອມທັງໃຫ້ກະກຽມຮັບມືກັບສະພາບດັ່ງກ່າວ ທີ່ອາດຈະເກີດຂຶ້ນໄດ້ໃນໄລຍະເດືອນກັນຍານີ້ ແລະ ໃນໄລຍະກາງ ຫາ ທ້າຍເດືອນຕຸລາ ຝົນຈະຫຼຸດລົງ. ທີ່ມາ: lao youth radio fm 90.0 mhz

ກວ່າຈະຖືພາບໍ່ແມ່ນເລື່ອງງ່າຍ ແອັບເປິ້ນບອກຕ້ອງໄດ້ໃຊ້ການແພດຊ່ວຍຫຼາຍເທື່ອ
ຂ່າວບັນເທີງ

ກວ່າຈະຖືພາບໍ່ແມ່ນເລື່ອງງ່າຍ ແອັບເປິ້ນບອກຕ້ອງໄດ້ໃຊ້ການແພດຊ່ວຍຫຼາຍເທື່ອ

ມາອັບເດດຊີວິດຂອງແມ່ “ແອັບເປິ້ນ-ສີສະຫງຽນ ສີຫາລາດ” ພັນລະຍາຂອງເຂີຍລາວ “ຟຸກ-ຈິຣະ ດ່ານບະວອນກຽດ” ດາລາດັງຂອງໄທ ເຊິ່ງຕອນນີ້ກໍຖືພາກ້າວເຂົ້າສູ່ເດືອນທີ 7 ແລ້ວ ແນ່ນອນວ່າ ຫຼາຍຄົນເຊິ່ງຕິດຕາມແມ່ແອບເປິ້ນ ກໍຄົງຮູ້ກັນຢູ່ແລ້ວວ່າ ກວ່າທີ່ເພິ່ນຈະຖືພາໄດ້ລູກນ້ອຍນີ້ບໍ່ແມ່ນເລື່ອງງ່າຍຕ້ອງໄດ້ແລ່ນໃຕ້ແລ່ນເໜືອຫາແພດຫາໝໍກັນບໍ່ແມ່ນງ່າຍ ແລະ ເມື່ອບໍ່ດົນມານີ້ຜູ້ກ່ຽວເອງກໍໄດ້ອອກມາເລົ່າປະສົບການຂອງຕົນເອງວ່າໄດ້ເຮັດຫຍັງໄປແດ່ກ່ອນທີ່ຈະສຳເລັດຜົນ ໂດຍແມ່ແອັບເປິ້ນໄດ້ອອກມາເລົ່າຂັ້ນຕອນຕ່າງໆເປັນແບ່ງເປັນຕອນໆ ເລີ່ມຕັ້ງແຕ່ວາງແຜນວ່າຢາກມີລູກໃນເດືອນເມສາປີ 2018 ໂດຍອາໄສວິທີທຳມະຊາດ ແຕ່ປາກົດວ່າຜ່ານໄປຫຼາຍເດືອນຍັງບໍ່ເກີດຜົນຈົນໄດ້ຕັດສິນໃຈໄປປຶກສາແພດ. ໂດຍທາງແພດກໍໄດ້ແນະນຳໃຫ້ມີການກະຕຸ້ນໄຂ່ ເພາະແອັບເປິ້ນມີພາວະໄຂ່ນ້ອຍ ແລ້ວຈຶ່ງສີດນໍ້າເຊື້ອເຂົ້າໄປໂດຍກົງ ແຕ່ກໍຍັງບໍ່ສຳເລັດເຊັ່ນເຄີຍຈຶ່ງປ່ຽນວິທີການໃໝ່ ເລື່ອງລາວທີ່ແມ່ແອັບເປິ້ນເລົ່າ ຕອນນີ້ດຳເນີນມາຮອດຕອນທີ 6 ແລ້ວ ເຊິ່ງກໍຍັງບໍ່ຈົບເທື່ອ ສາມາດອ່ານກັນໄດ້ແບບເຕັມໆໄດ້ທີ່ໄອຈີ @appleminiberry ກັນໄດ້ເລີຍ

ສາທຸ…ພະສົງສຳມະເນນລຸຍນໍ້າ ນຳເອົາອາຫານໄປມອບໃຫ້ຜູ້ປະສົບໄພນ້ຳຖ້ວມ
ຂ່າວທົ່ວໄປ

ສາທຸ…ພະສົງສຳມະເນນລຸຍນໍ້າ ນຳເອົາອາຫານໄປມອບໃຫ້ຜູ້ປະສົບໄພນ້ຳຖ້ວມ

ອະນຸໂມທະນາສາທຸ! ນຳພະສົງສຳມະເນນ ທີ່ນຳເອົາອາຫານ ໄປມອບໃຫ້ຜູ້ປະສົບໄພນ້ຳຖ້ວມ ຢູ່ເມືອງຈຳພອນ ແຂວງສະຫວັນນະເຂດ ລຸຍນຳ້ຖ້ວມເອົາເຂົ້າຫນຽວຮ້ອນໆແລະອາຫານປິ້ງໄກ້ບ້ານເຊໂນ ໃຫ້ຜູ້ປະສົບໄພນໍ້າຖ້ວມ ຫຼາຍບ້ານ ເມືອງຈຳພອນ ແຂວງສະຫວັນນະເຂດ ຍາມປົກກະຕິ ອອກຕົນຍາດໂຍມໄດ້ຄໍ້າຊູທານໃຫ້ ພຣະສົງສາມະເນນ ຍາມອອກຕົນຍາດໂຍມ ປະສົບໄພນໍ້າຖ້ວມ ພຣະສົງສາມະເນນທານໃຫ້ອອກຕົນຍາດໂຍມ ພວກເຮົາຕ້ອງຊ່ວຍເຫຼືອກັນ ເອົາອາຫານນໍ້າດື່ມ ໃຫ້ຍາດໂຍມປະສົບໄພນໍ້າຖ້ວມ ບ້ານແກ້ງກອກເມືອງຈຳພອນ ສະຫວັນນະເຂດ. ນໍ້າໃຈ ພຣະສົງວັດສຸນັນທາຣາມ ນະຄອນໄກສອນ ແຂວງສະຫວັນນະເຂດ