ຄົນຈີນອອກມາໂຕ້ຕອບ ນັກຂ່າວໄທ ຊ່ອງ NBT ທີ່ດູຖູກລາວ

ຄົນຈີນອອກມາໂຕ້ຕອບ ນັກຂ່າວໄທ ຊ່ອງ NBT ທີ່ດູຖູກລາວ

ຄົນຈີນອອກມາໂຕ້ຕອບ ນັກຂ່າວໄທທີ່ດູຖູກລາວ

ຊົມຄຼິບ :

ຊົມຄຼິບ :

ຄຼິບ :

ບາງສຳນັກຂ່າວໄທພາຍາຍາມ ບິດເບືອນຂ່າວ ຂາດມູນຄວາມຈິງ ຜິດຈັນຍາບັນ ງານນີ້ ທ່ານນາຍົກລາວ ອອກມາອະທິບາຍເອງ ກ່ຽວກັບນັກຂ່າວໄທ ລາຍງານຂ່າວກ່ຽວກັບທາງລົດໄຟ ລາວ-ຈີນ

ບໍ່ມີຄົນຊາດໃດບັງຄັບໃຫ້ຄົນຊາດອື່ນມາເຮັດຕາມ ແບບຂອງຊາດຕົນໄດ້, ຊີວິດຂອງຄົນຊາດໃດໜຶ່ງກໍ ເປັນເລື່ອງຂອງຊາດນັ້ນ, ການບໍ່ກ້າວກ່າຍ ບໍ່ລ່ວງ ລໍ້າ, ບໍ່ເວົ້າຜູ້ນັ້ນຜູ້ນີ້ຄືມາລະຍາດຂອງຄົນດີ ຂອງຄົນ ມີຕະກຸນ. ຍົກເລື່ອງນີ້ຂຶ້ນມາກໍເພື່ອໃຫ້ຄົນຊາດອື່ນ ໂດຍສະເພາະບາງສຳນັກຂ່າວຂອງໄທ ໄດ້ກ່າວກາຍ ເຖິງຈັນຍາບັນ ຄວາມຮັບຜິດຊອບ ຫລື ແຕະຕ້ອງ ເຖິງການພົວພັນລະ

ຫວ່າງປະເທດທີ່ບໍ່ແມ່ນເລື່ອງ ກ່ຽວພັນກັບຕົນເອງກໍມີ ຫລື ກິນເຂົ້າໂຕໄປໂສ ຜູ້ອື່ນ,ສ້າງກະແສໂຈມຕີບິດເບືອນຄວາມຈິງຂອງ ພວກເຂົາກໍເປັນໄດ້ ຊຶ່ງຄົນລາວເຮົາລວມທັງຄົນໄທ ສ່ວນຫລາຍ ໄດ້ເຫັນການອອກຂ່າວກ່ຽວກັບ ໂຄງການເສັ້ນ ທາງລົດໄຟລາວ-ຈີນ ທີ່ຂາດຂໍ້ມູນ ຂອງຄວາມເປັນຈິງ, ຂາດຈັນຍາບັນຂອງສື່ ກ້າວ ກ່າຍກິດຈະການພາຍໃນລະຫວ່າງປະເທດແບບ ເຈາະຈົງ.

ຂໍຍົກບັນຫາການກິນເຂົ້າເຮືອນໂຕ ໂສເລື່ອງເຮືອນ ອື່ນຂອງສື່ສຳນັກນັ້ນ ຄືໜີ້ສິນທີ່ ສປປ ລາວ ກູ້ຈາກ ສປ ຈີນຈະເອົາຄວາມສາມາດ ຫລື ຊອກເງິນ ມາຈາກໃສເພື່ອມາໄຊ້ໜີ້ ລວມທັງລາຄາປີ້ ໂດຍສານລົດໄຟລາວ-ຈີນ ເມື່ອທຽບໃສ່ລາຍຮັບ ຂອງປະຊາຊົນລາວແລ້ວ ຄົງຈະບໍ່ມີປັນຍາຊື້ປີ້ດ້ວຍ ລາຄາແພງນີ້ໄດ້.

ໃນນາມຄົນລາວຜູ້ໜຶ່ງເມື່ອເຫັນຂ່າວແບບນີ້ແລ້ວ ກໍອົດຫົວຂວັນບໍ່ໄດ້ຕໍ່ຄັງປັນຍາຂອງຜູ້ນຳສະເໜີ ຂ່າວ ແລະ ບັນນາທິການຂອງບາງສຳນັກຂ່າວຄືມີ ໜ້ອຍແທ້! ການໄດ້ຮັບຂໍ້ມູນຈາກການເຈາະຮູເປົ່າ ເຂົ້າມາໃສ່ຫູ ຫລື ວ່າແບບເຈຕະນາໃສ່ຮ້າຍປ້າຍສີ ຜູ້ອື່ນແມ່ນບໍ່ດີດາຍ

ການສ້າງປະເດັນບິດເບືອນ ແລະ ຍົກໂຕເອງວ່າເປັນຫ່ວງ ແລະ ເດືອດຮ້ອນ ແທນຄົນລາວ ເຊິ່ງການປັ່ນປ່ວນໂດຍຫວັງໃຫ້ຄົນ ລາວເກີດຄວາມບໍ່ພໍ ໃຈຕໍ່ໂຄງການທາງລົດໄຟນີ້ຄື ການອິດສາບັງບຽດບໍ່ຍອມຮັບຄວາມຈິງທີ່ເຫັນວ່າ ປະເທດລາວມີການພັດທະນາຈະເລີນສີວິໄລດີຂຶ້ນ.

ຄວາມຈິງແລ້ວການພັດທະນາໂຄງການທາງລົດໄຟ ລາວ-ຈີນ ແຕ່ນະຄອນຫລວງວຽງຈັນ-ຫລວງພະ ບາງ-ບໍ່ເຕັນ (ສປປ ລາວ)-ຄຸນໝິງ (ສປ ຈີນ) ຕອນ ທຳອິດ ໃຊ້ທຶນກໍ່ສ້າງເຖິງ 5,9 ຕື້ໂດລາສະຫະລັດ ເປັນການລົງທຶນຕາມກົນໄກການຮ່ວມມື ລັດຕໍ່ລັດ (G-to-G)

ຂະນະທີ່ຈີນໄດ້ເຊັນສັນຍາຮ່ວມຊະຕາກຳກັບລາວ ແລ້ວຈະບໍ່ປ່ອຍໃຫ້ຄູ່ຮ່ວມອັບຜົນປະໂຫຍດດອກ”. ພາຍຫລັງເປີດບໍລິການແຕ່ວັນທີ 4 ທັນວາເຖິງ ປັດຈຸບັນ, ບໍ່ວ່າຈະເປັນຄົນລາວ

ກໍຄືຄົນຕ່າງປະເທດ ທີ່ອາໄສຢູ່ ສປປ ລາວ ຕ່າງກໍຕໍ່ແຖວຊື້ປີ້ຂຶ້ນລົດໄຟ ໄປປະຕິບັດພາລະ ກິດ, ໄປທ່ອງທ່ຽວ, ບາງມື້ຕ້ອງ ໄດ້ປິດການຂາຍປີ້ໄວ ເນື່ອງຈາກຜູ້ໂດຍສານມີ ຫລາຍເກີນໄປ ແລະ ເປັນການປະຕິບັດຕາມມາດ ຕະການປ້ອງກັນພະຍາດໂຄວິດ-19 ອີກດ້ວຍ.

ລາຄາປີ້ໂດຍສານ ມີຫລາຍລາຄາ ຂຶ້ນກັບແຕ່ລະຊັ້ນ ຂອງລົດໄຟ ຊຶ່ງສູງສຸດແມ່ນປີ້ໂດຍສານຈາກໂພນ ໂຮງແຂວງວຽງຈັນ-ບໍ່ເຕັນ ແຂວງຫລວງນໍ້າທາຊັ້ນ 1 ລາຄາ 529.000 ກີບ ຫລື 294 ຢວນ, ນະຄອນຫລວງວຽງຈັນ-ເມືອງໄຊ ແຂວງອຸດົມໄຊ ຊັ້ນ 1 ລາຄາ 443.000 ກີບ ຫລື 246 ຢວນ ແລະ ລາຄາຕໍ່າສຸດຈາກສະຖານີເມືອງໂພນໂຮງ-ເມືອງວັງ ວຽງ ແຂວງວຽງຈັນ 38.000 ກີບ ຫລື 21 ຢວນ.

ການຈອບຊອກຫາຈຸດອ່ອນຂອງປະເທດອື່ນມາ ວິພາກວິຈານ ກ່າວໂຈມຕີ ເປັນການກະທົບຕໍ່ສາຍ ພົວພັນລະຫວ່າງປະເທດໂດຍສະເພາະ ລາວ-ໄທ ຊຶ່ງເປັນປະເທດບ້ານໃກ້ເຮືອນຄຽງທີ່ດີຕໍ່ກັນແຕ່ ໃດໆມາ ຊຶ່ງສື່ມວນຊົນໄທຕ້ອງເຂົ້າໃຈໃຫ້ເລິກ ແລະ ຫລາຍຂຶ້ນລວມທັງການພັດທະນາເສັ້ນທາງລົດໄຟ ລາວ-ຈີນ

ເປັນໜຶ່ງໃນໂຄງການ ໜຶ່ງແລວທາງ-ໜຶ່ງ ເສັ້ນທາງ ທັງເປັນເສັ້ນ ທາງລົດໄຟສິງກະໂປ-ຄຸນ ໝິງ ຂອງອາຊຽນ ແລະ ເປັນສ່ວນໜຶ່ງທີ່ເຊື່ອມຕໍ່ ເຖິງ ຣັດເຊຍ ແລະ ເອີຣົບ ເປັນໂຄງການບູລິມະສິດ ເຊື່ອມໂຍງອາຊຽນ-ຄຸນໝິງ ຕາມການຕົກລົງຂອງ

ລັດຖະມົນຕີຂົນສົ່ງອາຊຽນຄັ້ງທີ VII ທີ່ຮັບປະກັນ ຄວາມປອດໄພ, ປະຢັດເວລາ, ປະຢັດຄ່າໃຊ້ຈ່າຍ ເພື່ອຮັບໃຊ້ໃຫ້ແກ່ການຄ້າ, ການທ່ອງທ່ຽວ ແລະ ມີ ຄວາມປອດໄພສູງ ແລະ ເປັນໂຄງການທີ່ປະຊາຊົນ ລາວ ເອກອ້າງທະນົງໃຈທີ່ສຸດ, ລະບົບການເມືອງ

ຂອງສາທາລະນະລັດ ປະຊາທິປະໄຕ ປະຊາຊົນ ລາວ ເນື້ອແທ້ແມ່ນເພື່ອປະຊາທິປະໄຕ ແລະ ປະຊາຊົນ ໂດຍບໍ່ແຊກແຊງເຂົ້າກິດຈະການພາຍໃນ ຂອງປະເທດອື່ນ, ບໍ່ສ້າງຄວາມປັ່ນປ່ວນ ຫລື ຢູ່ ເບື້ອງຫລັງຂອງຄວາມບໍ່ສະຫງົບຢູ່ຕ່າງປະເທດ.

ທີ່ມາ: ໜັງສືພິມລາວພັດທະນາ

ຂ່າວທົ່ວໄປ