ອຸຕຸເຕືອນ..!! ອາທິດນີ້ ເຝົ້າລະວັງ ຝົນຕົກ ພ້ອມອາກາດໜາວເຢັນ 1-3 ອົງສາ

ອຸຕຸເຕືອນ..!! ອາທິດນີ້ ເຝົ້າລະວັງ ຝົນຕົກ ພ້ອມອາກາດໜາວເຢັນ 1-3 ອົງສາ

ສະພາບອາດອາທິດນີ້ ກົມອຸຕຸນິຍົມ​ ແລະ​ ອຸທົກກະສາດ​ມີຄຳເຕືອນເຝົ້າລະວັງ ສະພາບອາກາດໜາວ ໃນວັນທີ 24 ຫາ 30 ມັງກອນ 2022 ເນື່ອງຈາກມວນອາກາດໜາວເຢັນຈາກປະເທດຈີນ​ ຈະມີກຳລັງແຮງເພີ່ມຂຶ້ນ ແຜ່ລົງມາປົກຄຸມຢູ່ທຸກພາກຂອງປະເທດລາວດ້ວຍກຳລັງປານກາງ, ສົມທົບກັບກະແສລົມຕາເວັນອອກ – ຕາເວັນອອກສ່ຽງເໜືອ ພັດປົກຄຸມເປັນສ່ວນໃຫຍ່,

ຊື່ງຈະເຮັດໃຫ້ອຸນພະພູມອາກາດຈະເຢັນ ຫາ ໜາວເຢັນ ລົງ 1 ຫາ 3 ອົງສາ ຢູ່ແຂວງ ພາກເໜືອ, ໂດຍສະເພາະຢູ່ເຂດພູດອຍ ບັນດາແຂວງ ພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ອາກາດຍັງຈະໜາວ ເຢັນ ຫາ ໜາວເຢັນຫຼາຍ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດແຮງຢູ່ບາງທ້ອງຖິ່ນ.

ແຈ້ງເຕືອນເຖິງປະຊາຊົນບັນດາເຜົ່າ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ ຈົ່ງມີສະຕິກຽມພ້ອມຮັບມືກັບສະພາບການປ່ຽນແປງໄວຂອງອຸນຫະພູມ, ອາກາດໜາວເຢັນຫຼາຍ

ຊຶ່ງອາດຈະມີຜົນກະທົບຕໍ່ສຸຂະພາບໂດຍສະເພາະແມ່ນເດັກນ້ອຍ ແລະ ຜູ້ເຖົ້າ ຂໍໃຫ້ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໝີ, ພ້ອມທັງໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ເປັນປະຈຳ.

ຂ່າວທົ່ວໄປ